بتدور علي أماكن للمذاكرة في أسيوط؟ علشان تقدر تركز ف شغلك كفريلانس او كطالب علشان تحقق اكبر قدر من الاستفادة ! في المقالة دي بنغطي جميع مساحات العمل والـ coworking space في اسيوط علشان نوفر عليكم عناء البحث والوصول
 |
| ورك سبيس اسيوط - coworking assiut |
محافظة اسيوط
من اشهر محافظات الصعيد وتعتبر من اكبر المحافظات كمان نظرا للسكان والمساحة وفيها جامعتين من اقدم واعرق الجامعات ،جامعة اسيوط و جامعة الازهر باسيوط بشقيها للبنات والبنين
اصل اسم اسيوط جه من الاسم الفرعوني "سوت" المشتقة والقريبة من كلمة "سأوت" والي المقصود بها "الحارس" باللغه الهيروغليفية القديمة عندما تم دمجها مع طيبة العليا اثناء الحروب مع الهكسوس علشان كدا بتكون اقدم امبراطورية عرفها التاريخ (وكمان كانو مسمينها مدينة الذئاب ايام البطالمة 😂)
ودي اشهر الاماكن في اسيوط ،منطقة الوليدية والمجذوب وسيتي وشارع الجمهورية والنميس
اشهر مساحات العمل والـ coworking في اسيوط
قبل جائحة كورونا كان في مساحات عمل كتير موجودة في اسيوط وكان عدد لا بأس بيه نهائيا لكن اول ما بدأت الجائحة ونظرا لسياسات الدولة لمواجه وحصر الفيروس تم اغلاق المساحات وبعض النشاطات الاخري مؤقتا فبالتالي اغلب المساحات المؤجره جات عليها بخساير فقفلت فاتبقي الكام مساحة دول والي لسا شغالين حاليا ووصلنالهم بعد عناء بحص علشان نوفر عليكم المجهود والمعلومات
- وركسبيس كايزن Kaizen assiut اسيوط
- وركسبيس ستيب Step assiut اسيوط
- وركسبيس هاوس house assiut اسيوط
- وركسبيس نوك Nook assiut اسيوط
*ملحوظة هامة: الاسعار ممكن تختلف من وقت للأخر فدايما اتأكد من الاسعار عبر الوركسبيس ومتنساش تبلغنا علشان نفيد غيرك بمعلومات محدثة
1.Kaizen Coworking Space
من مساحات العمل والورك سبيس المناسبة لاغلب الطلبة باسيوط،هيا عبارة عن دور أرضي وبتحتوي علي حوالي 4 غرف وبيقدموا خدمات مختلفه منها الكاترين كافية وسناكس وكمان في غرف اجتماعات وتدريب والواي فاي كويس،وعندهم غرف تشاركية طبعا للطلبه علشان تعرف تذاكر او الفريلانسر علشان يديهم شعور انهم فشركة وينجزوا، وبيوفروا باقات مختلفة للأشتراك في الوركسبيس
العنوان: اسيوط - فريال شارع العادلي بجوار باب دخول مركز بنون مباشرة
السعر: يبدأ من 15 جنية لأول 5 ساعات والـ 3 ساعات الي بعدهم ب 5 جنية بس
لمزيد من التفاصيل عن وسائل التواصل والباقات والاسعار المتاحة وتفاصيل اكتر : ورك سبيس كايزن اسيوط
 |
| وركسبيس كايزن اسيوط Kaizen Coworking Space - اماكن للمذاكرة في اسيوط |
2.Step Work Space - مساحة عمل ستيب
من اول مساحات العمل المشتركة الي بدأت في اسيوط وعندهم الديكور جميل ومتناسق وخدماتهم مختلفة تساعدك في زيادة انتاجيتك وبرضوا الوركسبيس زي كايزن بالظبط بيوفر سناكس ومرطبات وعندهم انظمة يومية وشهرية وبيشتغلوا 24 ساعة طول ايام الاسبوع وكمان لو ليك فالقراية هتلقي عندهم كتب لو بتخلص شغل لعميل وزهقت ممكن تطلع علي الكتب وتقرا شوية وتفصل عن جو الشغل المرهق
العنوان: اسيوط - فيلا 17 شارع الشهيد جلال الدين الدسوقي الممتد من شارع مصنع الكوكاكولا القديم بالجمهورية أمام الباب الخلفي لمدرسة بدر
السعر: يبدأ من 15 جنية لمدة 6 ساعات فالوركسبيس
لمزيد من التفاصيل عن وسائل التواصل والباقات والاسعار المتاحة وتفاصيل اكتر : ورك سبيس ستيب اسيوط
 |
| Step Work Space - مساحة عمل ستيب - اماكن للمذاكرة في اسيوط |
3.House work space - مساحة عمل هاوس
تعرف لما الشباب يحطوا ايدهم فحاجة لازم بيخلوها مواكبه باي طريقة للعصر حتي لو بتكلفة اية ،وركسبيس هاوس كان قصر من البيوت المبنية علي الطراز القديم تم تطويرة وتحويلة لورك سبيس ،هتلقي فالوركسبيس جنينة لو بتحب الاماكن المفتوحة كمان في مكان مغلق الي يريحك بقي وهتلقي عندهم خدمات زي مطعم(قريبا) خدمات طباعة الوان وابيض واسود وشاشة وبروجيكتور وغرف اجتماعات وتدريبات وطبعا انترنت
العنوان: اسيوط - شارع أحمد شوقي ، اللي اوله صيدلية مايكل و ماريانا ، المتفرع من شارع يسري راغب في شركة قلته
السعر: اول 4 ساعات ب 10 جنية مصري واليوم كلة بـ 25 جنية
لمزيد من التفاصيل عن وسائل التواصل والباقات والاسعار المتاحة وتفاصيل اكتر : ورك سبيس هاوس اسيوط
 |
| House work space - مساحة عمل هاوس - coworking assiut |
4.Nook work space - مساحة عمل نوك اسيوط
بص بقي يامعلم الورك سبيس دا حوار فنفسة ليه ؟ مسؤلي الوركسبيس جابوا اخصائيين لتهيئة الوركسبيس واختيار الوانه علشان تكون مفيده ومريحه جداا لاي حد هيقعد وعلشان تزيد انتاجيته دا غير ان فيه سناكس وكافية تعمل الي محتاجة وطبعا انترنت وعندهم الكويت نوك ودي بتكون زي جزء خاص بيك بتركز فيه اكتر (شوف المقالة علشان تفهم المقصد) وكمان متاحة عرف للكورسات والتدريبات
العنوان: اسيوط - فريال - بجوار نفق الزهراء - الشارع المقابل لمحل فانس - امام كافية خان الخليلي
السعر: يبدأ من 10 جنية لمدة 3 ساعات فالوركسبيس ودا الحد الادني
لمزيد من التفاصيل عن وسائل التواصل والباقات والاسعار المتاحة وتفاصيل اكتر : ورك سبيس هاوس اسيوط
 |
| Nook work space - مساحة عمل نوك اسيوط - co-working space assiut |
الخلاصة
في المقالة دي غطينا اشهر اماكن ومساحات العمل المشتركة الموجودة في محافظة اسيوط وان شاء الله لاننا في مدونة وركسبيسو- مصر بنهتم انك تكون علي اطلاع باي اماكن ورك سبيس في مصر بتفاصيلها الصحيحة اول باول ،لو في مساحات جديدة هنعدل المقال بالتفاصيل ان شاء الله
ولو انت صاحب مكان تقدر تضيف الورك سبيس بتاعك من هنا(أضف ورك سبيس) او لو تقدر تساعدنا بأنك تقترح علينا ورك سبيس مذكرناهوش او نسيناه في التعليقات او عبر النموذج (أقترح وركسبيس) هنكون شاكرين ليك ولمجهودك
اخيرآ
احكيلنا تجربتك مع ايآ من الوركسبيس المذكوره فوق واية الي عجبك اكتر في الوركسبس ؟
إرسال تعليق
الموقع غير مسئول عن محتوى التعليقات و نرجو الإلتزام باللياقة في التعبير